Filmoteca Española

A Filmoteca Española garante, a través dos seus servizos administrativos, o acceso á información e á consulta dos elementos que forman as súas coleccións fílmicas e documentais, e presta o seu apoio para a utilización dos documentos relacionados coa arte da cinematografía, coas películas e coas imaxes do seu arquivo.

A harmonización do principio de acceso aos seus fondos fílmicos e documentais coas necesidades de preservación destes e coa obriga de protexer os dereitos dos autores son os criterios inspiradores das normas que regulan, no ámbito da Filmoteca Española, o acceso ao coñecemento, estudo e uso destes fondos, sempre que este tipo de actividades non prexudique, nin interfira, a conservación dos materiais e sempre que respecte, igualmente, os lexítimos dereitos dos autores (artigo 44 da Constitución española).