Lista de
Patrimonio Europeo
Presentación
Presentación
A creación dunha Lista de Patrimonio Europeo é unha iniciativa destinada a impulsar a dimensión europea dos bens culturais, os monumentos, os enclaves naturais ou urbanos e os lugares que desempeñaron un papel esencial na historia común e no patrimonio europeos.
A través dela quérese fomentar a difusión, protección e preservación do rico patrimonio europeo, ao tempo que se subliña a importancia deste para un mellor coñecemento da historia do continente.
O patrimonio cultural é un dos elementos fundamentais da nosa identidade, e a Europa de hoxe é o froito do continuo intercambio e do diálogo que se veu producindo entre os distintos territorios ao longo dos séculos.
A iniciativa de crear unha Lista de Patrimonio Europeo foi lanzada en Granada en abril de 2006 polos Ministros de Cultura de Francia, Hungría e España no Encontro “Europa polo diálogo Intercultural”. Poucos días despois foi presentada no Consello de Ministros de Cultura da Unión Europea e incorporada á axenda europea.
Para o lanzamento deste programa elixiuse o mes de marzo de 2007 para facelo coincidir coa celebración do 50 aniversario da sinatura do Tratado de Roma, efeméride que se cumprirá o vindeiro día 25.
No futuro preténdese ir aumentando a lista con novas incorporacións e crear unha rede que englobe todos os lugares designados Patrimonio Europeo co fin de desenvolver actividades culturais de forma conxunta.
